Эхний алхам: Уралдаанд оролцохыг хүсэгч манай Глоб Интернэшнл Төвийн фейсбүүкийн “NICE НАЙЗ” хуудсанд лайк дарж, “НАЙЗ” бүлэгт элсэн, эрхээ авна уу. Та бүтээлээ манай “NICE НАЙЗ” хуудас болон “НАЙЗ” бүлэгт байрлуулснаар уралдааны эхний шалгаруулалтад оролцох боломж нээгдэнэ.

Глоб Интернэшнл Төв нь мэдлэг, туршлагаа нийгмийн өргөн хүрээнд түгээх зорилгоор Монголын залуучуудын NICE НАЙЗ сүлжээ үүсгэж, үүгээрээ дамжуулан нийт иргэдэд чиглэсэн үзэл бодлын эрх чөлөө, түүнээ илэрхийлэх эрх чөлөөний үнэ цэнийг ойлгуулан ухамсарлуулах, цахим хэвлэл мэдээллийг соёлтой хэрэглэж бусдыг гүтгэж доромжлохгүй, бусдын хувийн нууцыг нийтэд ил болгож эрхийг зөрчихгүй байхыг эрхэмлэхийн чухлыг таниулахад оршино.

Хууль зүй, сэтгүүл зүйн их, дээд сургуулийн оюутнуудын дунд Судалгааны шилдэг бүтээлийн уралдаанд ирсэн бүтээлийг  шалгаруулах  журамтай танилцана уу.

Үзэл бодолтой байх, үзэл бодлоо чөлөөтэй илэрхийлэх эрх чөлөөний тухай ойлголттой болгох, Монгол улсын болон олон улсын хэм хэмжээ, чиг хандлагыг судлан “Судалгааны шилдэг бүтээл” туурвих уралдааныг ХУУЛЬ ЗҮЙ, СЭТГҮҮЛ ЗҮЙН их дээд сургуулийн оюутнуудын дунд дараах хоёр чиглэлээр зарлаж байна.

Глоб Интернэшнл Төв ЮНЕСКО-гийн Мэдээлэл, харилцаа холбооны хөгжлийн Олон улсын хөтөлбөр (IPDC) болон Бээжин дэх Төлөөлөгчийн газартай хамтран “Хэвлэл мэдээллийн жендэрийн мэдрэмжтэй байдлын шалгуур үзүүлэлтүүдийг Монголын хэвлэл мэдээллийн хэрэгслүүдэд турших нь” төсөл хэрэгжүүлж байна.

Глоб Интернэшнл Төв Монгол улсын Ерөнхий сайд Л.Алтанхуягийн гомдлын дагуу “Тэргүүн” сонины сэтгүүлчдэд Чингэлтэй дүүргийн шүүхээс 20 гаруй сая төгрөгийн торгуулийн ял ногдуулж, торгох ялаас зайлсхийвэл 3 жил хүртэл хугацаатайгаар хорих ялаар солихоор шийдвэрлэсэн, мөн Нийслэлийн давж заалдах шатны шүүхээс анхан шатны шүүхийн оноосон ялыг хэвээр үлдээх шийдвэр гаргасантай холбогдуулан  Монгол улсын Ерөнхий сайд Л.Алтанхуягт хандан 2013 оны 12-р сарын 10-ны өдөр захидал илгээв.

Глоб Интернэшнл Төв, шат шатны шүүхийн дээрх шийдвэр сэтгүүлчдийг шоронд хорихоор айлган сүрдүүлж дарамт учруулсан, мөн хэвлэл мэдээллийн хэрэгслийг дампуурахад хүргэж болзошгүй их хэмжээний торгууль ногдуулсан нь хэвлэл мэдээллийн хэрэгсэлд учруулж буй эдийн засгийн цензур хэмээн үзэн, эсэргүүцэж байна.

Европын Холбооны кино өдөрлөг  11 дүгээр сарын 17-ны 17.00 цагт Блакс Бокс театрт   ЕХ-г одоогоор тэргүүлж байгаа  Литв улсын “УБ лам” уянгын киногоор нээлтээ хийж 17-21-ний өдрүүдэд олон нийтэд  үнэ төлбөргүй үзүүлнэ. Үзвэрийн хуваарьтай танилцана уу.

Европын Холбооны кино өдөрлөг Монгол улсад дөрөв дэх удаагаа 11-р сарын 17-21-ний өдрүүдэд Улаанбаатар хотноо болно. Кино өдөрлөгийг Европын Холбооны Төлөөлөгчийн Газар, “Блакбокс” театр, “Глоб Интернэшл” төвтэй хамтран зохион байгуулж байна.

Глоб Интернэшнл Төв 2013 оны 11 дүгээр сараас 2014 оны 4 дүгээр сар хүртэл IFEX үзэл бодлын эрх чөлөөг хамгаалах, хөхиүлэн дэмжих олон улсын сүлжээ байгууллагын дэмжлэгтэйгээр ““НАЙЗ”” кампанит ажил эхэллээ.